Skulptura me armët krijohet nga artisti Irakian

Irakiani Zahim Jehad prej mbetjeve të luftës krijon art.

Ai krijon peshqit nga pistoletat, anijet nga bajonetat, ndërsa insektet prej pjesëve të armëve amerikane, ndërsa ka punësuar edhe studentë të fakultetit të artëve për t’i ndihmuar që instrumentet e terrorit t’i shndërrojë në art, transmeton Mia.

Veprat e tij artistike shiten në ankand, ndërsa të ardhurat do të dhurohen për bamirësi. Megjithatë, ky artist ka probleme me ligjin, shkruan gazeta britanike “The Guardian”.

“Më kanë paditur edhe në gjyq”, ankohet Jehad.

“Më kanë akuzuar se po i shkatërroj armët e ushtrisë së vjetër irakiane.

Por këto armë terroristët i kanë rrëmbyer prej ushtrisë amerikane. Për shkak të intervenimit të ministrisë së mbrojtjes, projekti është ndalur në fillim. Na kanë akuzuar se kemi shkatërruar 10 000 armë vlera e të cilave për një copë sillej rreth 100 euro. E tërë kjo është gënjeshtër”, thotë artisti irakian.

Jehad është thirrur në gjykatë e cila më pas e liroi nga të gjitha akuzat. Prej asaj kohe ai po përpiqet të marrë lejen për të vazhduar punën e tij.

Leave a Comment

%d bloggers like this: