“Titullin kampion nuk e diskutonim”

Titulli: “Titullin kampion nuk e diskutonim” Tue Jul 29, 2008 10:34 am

Trajneri i medalistit, Daniel Godelli, entuziast pas Evropianit

“Titullin kampion nuk e diskutonim”

Ali Lundraxhiu: “Gara pati rivalitet shumë të madh”

Sportisti nga Peqini,Daniel Godelli dominoi totalisht në Kampionatin e 11-të Evropian të Peshëngritjes për U-17 që u zhvillua në Amiens të
Francës. Në peshën 62 kg,peshëngritësi Godelli arriti me shumë meritë në podiumin e fituesve. Shtangisti i drejtuar nga trajneri Ali Lundraxhiu nuk e pati aspak të vështirë të bënte ‘tris’ të artë në pedanën evropiane të Francës. Pak orë nga kthimi në Shqipëri, tekniku Lundraxhiu u shpreh se ishim shumë të sigurt edhe para garës se Godelli do të shpallej kampion Evrope.
Si ndihet trajneri Lundraxhiu pas suksesit të sportistit tuaj?

Përpara këtij evenimenti sportisti Godelli arriti të ngrejë në palestër më shumë se sa arriti në Amiens, 123 kg dhe 160 kg. Në fakt prisnim pak më shumë, por prezenca e dy konkurrentëve turq, të cilët ishin shumë të fortë na trembi deri diku. Kur njëri prej tyre ngriti në provën e parë 115 kg, ne ishim të detyruar që provën e dytë ta nisnim me 116 kg në mënyrë që ta mundnim. Njëkohësisht bashkëkombësi i tij hyri në garë me 117 kg dhe ne na duhej të garonim me 118 kg. Meqenëse me 118 kg ishim të sigurt për medalje, gjithashtu edhe presidenti këmbënguli duke na thënë se duam
medalje dhe vetëm medalje,atëherë ne vendosëm ta mbyllnim konkurrimin me 118 kg,duke siguruar kështu vendin e parë me 1 kg më tepër se vend i dytë. Në Amiens pati një pjesëmarrje të konsiderueshme.Sportistët tanë duhej të konkurronin me sportistë armenë, turq, rusë, të cilët ishin me të vërtetë shumë të fortë. Duhet theksuar se ky rezultat ka qenë më i mirë se sa ai i vjetshmi, 110 kg me 140 kg, ndërkohë që këtë herë Godelli fiksoi shifrat 118 kg me 145 kg. Tentativa e rekordit ishte e mundshme nga ana jonë, por të mos
E kishit parashikuar se mund të ktheheshit me 3 medalje?

Gara u zhvillua ashtu siç e prisnim edhe ne, pra me shumë rivalitet, ndërkohë që edhe ne hymë në konkurrim me shumë siguri. Dhe kjo na ndihmoi jashtë mase. Edhe përpara nisjes për në këtë kompeticion të rëndësishëm,ne e pohuam disa herë se do të ngjiteshim në pedanë evropiane vetëm për titullin kampion. Ne ishim të sigurt se do të shpalleshim kampion, çka u bë realitet në fund të saj.
Çfarë parashikon për më tej kampioni Godelli?
Në fakt mirë është që të mos flasim para kohe,megjithëse Daniel Godelli me rezultatet që ka sot për sot e them me bindje se për këtë moshë ato janë shumë më të mira se sa të Gerti Trashës dhe Erkand Qerimaj. Gjatë kësaj kohe sport i peshëngritjes po ecën shumë përpara dhe synimet e Danielit janë edhe për më lart. Një meritë për këtë arritje të madhe të peshëngritësit tonë pati Federata Shqiptare e Peshëngritjes,e cila insistoi jashtë
mase që ne të mos mungonim në këtë kampionat. Gjithashtu,një meritë të jashtëzakonshme pati edhe Bashkia e qytetit të Peqinit. Ndërkohë mund të tregoj edhe një detaj të veçantë. Në ceremoninë e ndarjes së medaljeve, kur ambasadori ynë në Francë,Ylljet Aliçka mësoi se shtangisti Godelli ishte nga Peqini ai tha se është e paimagjinueshme sesi një peqinas arrin të ngrejë flamurin shqiptar në mes të Parisit.

Si do të prezantohet skuadra e Peqinit sezonin e ardhshëm?

Vitin tjetër Peqini mund të marrë pjesë me dy pesha, me grupmoshën e të rinjve dhe pionierëve. Me të rinjtë do të jetë i sigurt kampioni i Evropës Daniel Godelli, por nuk përjashtohet edhe sportisti tjetër Mahir Mezini. Ky i fundit është një shtangist me të ardhme dhe shumë premtues. Madje, ka shanse për të hyrë në zonën e medaljeve në kampionatin evropian që do të zhvillohet në qytetin e Durrësit.Më duhet të përmend edhe Zylyf Zylyfin, i cili është gjithashtu, një peshëngritës me shumë perspektivë.

“Godelli nderoi flamurin dhe Peqinin”

Pasditja e së dielës ka qenë e veçantë për shtangën shqiptare, por edhe për qytetin e Peqinit. Në aeroportin “Nënë Tereza” kishin dalë shumë personalitete për të pritur kampionin e ri të Evropës për U- 17, Donald Godelli. Peshëngritësi, i cili garoi në peshën 62 kg arriti të marrë 3 medalje ari në 2 stilet shtyje dhe shkëputje, njëherësh edhe në dygarësh. Në këtë pritje, përveç drejtuesve të Federatës ishin prezentë deputeti i zonës Dashnor Sula, kryetari i bashkisë, Ilir Rrusha, por edhe presidenti i klubit sportiv Shkumbini Xhavit Ismaili. Në qytetin e Peqinit atmosfera ka qenë mëse e ngrohtë deri në pasdite kur sportisti ka zbritur në qytetin e tij të lindjes. Sportisti Godelli është sportisti i dytë peqinas dhe shtangisti i dytë i këtij ekipi që arrin të fitojë 3 medalje ari në një Evropian ku më parë një kënaqësi të tillë e ka arritur edhe kampioni Andi Tufa. Pas pritjes së rezervuar, kryebashkiaku Rrusha u shpreh për sportistin në fjalë: “Danieli është një djalë me zell të madh për sportin që ai përfaqëson. Ai me rezultatin e arritur ka nderuar flamurin shqiptar, por edhe qytetin e vogël të Peqinit që në mënyrë të vazhdueshme ka nxjerrë sportistë shumë cilësorë në këtë sport. Mendoj që një lojtar i tillë do të nderojë shtangën shqiptare në kompeticione edhe më të rëndësishme”.

Nga PanoramaSport
_________________