Të shpikësh një sëmundje, një mënyrë për të fituar para.

Nëpërmjet reklamave nëpër masmedia “zbulohen” sëmundje të reja, për të cilat nevojiten ilaçe të reja.

“Diseases mongering” quhet në anglisht komercializimi i sëmundjeve, molla e helmuar e arritjeve të mjeksisë perëndimore, peng i sukseseve të saj.

Bëhet fjalë për një fenomen, i cili konsiston në zgjerimin e tregut të një ilaçi, duke përdorur aftësinë për të bindur njerëzit se janë të sëmurë, e duke i shtyrë që të shprehin nevojën për t’u kuruar.
Një inventarë impresionues i metodave që ndjekin grupet e mëdha industriale, në nivel botëror, gjëndet në librin “Shpikësit e Sëmundjeve”, të shkruar nga gazetari gjerman Jorg Blech. Ky libër përshkohet nga një akuzë e forte ndaj mjeksisë moderne.
Mjetet dhe fuqitë e kolosëve të farmaceutikës, të predispozuar të financojnë kërkime mbi fusha të reja klinike, e kështu, edhe përballë relativitetit të konceptit sëmundje (gjithashtu edhe shëndet), për të rreshtuar çdo ditë njerëz të rinj në radhët e konsumatorëve të ilaçeve.
Aftësia e shpikësve të sëmundjeve, e ndihmuar edhe nga zyra të mardhënieve me publikun dhe agjensive të reklamave, konkuron me aftësinë e tregëtarëve. Për pasojë shohim të shfaqet “depresioni i parajsës”, që, me sa duket, kërcënoka pensionistët në Majorka, që janë të ngarkuar me stress.
Po studiohet një sindrom i ri «female sexual dysfunction» - çrregullie seksuale femërore, nga ku industria farmaceutike pritet të përsërisë fitimet marramendëse të arritura nga shitja e Viagras, gjë që nuk ka precedent në historinë e ilaçeve.

Ndërkohë, vëzhgime demoskopike dhe artikuj të ndryshëm në media flasin për një “rënie të lehtë në prodhimin e hormonit mashkullor”, që patjetër duhet të kurohet.

Strategjia
Pra, “çdo person i shëndetshëm është një i sëmurë që nuk e di akoma se është i tillë”, siç thoshte mjeku i ri e ambicioz, protagonist në dramën Jules Romains “Knock, triumf i mjeksisë”, shkruar pas luftës së madhe, në kulmin e triumfit të bakteriologjisë.
Jo rastësisht Blench e ka zgjedhur si subjekt për librin e tij.
Pasi arrin në Saint Maurice për të zëvendësuar kolegun e moshuar, doktor Knock-u vëren se banorët gëzojnë shëndet të plotë, gjë që nuk i shkonte shumë për shtat.
Si t’ia bënte që ti detyrnte qytetarët e shëndetshëm të kërkonin asistencë mjeksore, përveçse duke i bindur se janë të sëmurë apo se rrezikojnë të bëhen të tillë? Ja pra tek manipulon farmacistin dhe mësuesin që të bashkpunojnë në planin e edukimit sanitar.
Banorët e pavëmendshëm, p.sh. nuk mendonin rreth armiqve të padukshëm, siç ishin mikro organizmat. Duhej të paralajmëroheshin që mjaftonte një pikë uji për të futur në aparatin ushqyes me mijëra mikrobe, të gatshme për të sumuar dhe par të prodhuar sëmundje.
Hapi tjetër ishte të ngarkohej tellalli për të lajmëruar popullatën për një vizitë falas, me qëllim që të ndërgjegjësohej mbi rrezikshmërinë e përhapjes së “sëmundjeve të çdo lloji” që mund të përhapeshin në zonë.
Duke hetuar me kujdes qytetarët dhe duke përfituar nga besimi i tyre, ai arrin të “zbulojë” tek secili prej tyre ndjenja të vakta të sëmundjeve.
Pas pak kohe strategjia filloi të jepte fruta; njerëzit kërkojnë asistencë të vazhdueshme...
Pas pak kohe, strategjia filloi të japë rezultatet e para: njerëzit kërkojnë ndihmë mjeksore të vazhdueshme dhe rendin me shishet e urinës për të bërë analiza të një pas njëshme. Tashmë, i pasur, ashtu si edhe farmacisti, Dr. Knok është i kënaqur. Suksesi i tij ka arritur kulmin, pasi pothuaj asnjë banor nuk është i shëndoshë

"Një fshat global"

Nga fshati i vogël në Francë në “fshatin e madh” Blech na tregon si punojnë me dhjetra Knockë të kohëve tona kudo nëpër botë, të ndihmuar nga “farmacistë” e “mësuaes”, insitute kërkimorë, vëzhgime demoskopike, zyra të mbrojtjes së popullit, agjensi reklamash, opininistë botime mjeksore.
pastres.com