Kombetarja, zbardhet lista anti-Poloni

Titulli: Kombetarja, zbardhet lista anti-Poloni Fri May 02, 2008 12:21 am

TIRANE- Trajneri i kombëtares shqiptare Ari Han ka bërë publike listën me 22 futbollistë që do të grumbullohen për ndeshjen e 27 majit ndaj Polonisë. Tekniku kuqezi ashtu sic pati premtuar ka thirrur në ekip shumë lojtarë të rinj, duke nisur kështu një proces të shpejtë rinovimi të skuadrës përpara eleminatoreve të Botërorit që startojnë në shtator. Kështu, janë lënë jashtë emra si Nevil Dede, Altin Haxhi apo Alban Bushi, për t’u thirrur lojtarë si Ansi Agolli, Endri Vrapi apo Gilman Lika e Dorian Bylykbashi. Në portë do të jetë dyshja e zakonshme tashmë Beqaj-Hidi, ndërkohë që Iljon Lika është lënë jashtë. Në mbrojtje, të grumbulluarit janë Andi Lila, Armend Dallku, Debatik Curri, Kristi Vangjeli, Ansi Agolli dhe Endri Vrapo. Në mesfushë nuk do të mungojnë emrat e zakonshëm si Lorik Cana, Klodian Duro, Altin Lala, Ervin Skela e Ervin Bulku, të cilëve do t’u bashkangjiten edhe Elis Bakaj, Gilman Lika, Paulin Dhëmbi dhe i rikthyeri Bledar Shkëmbi. Në sulm, emrave të Bogdanit, Kapllanit e Salihit, u janë shtuar ata të Bylykbashit e Jahmir Hykës. Interesant është fakti se një pjesë të mirë të futbollistëve, Ari Han i ka parë në derbin mes Tiranës dhe Partizanit të shtunën e kaluar. Kombëtarja shqiptare do të grumbullohet për një javë në Shtutgart, në kuadër të miqësores me Poloninë. Takimi i 27 majit do të jetë i pari për Ari Han në krye të Shqipërisë.

PER ME SHUME :

_________________