KOMBETARIA SHQIPETARE DHE BARIC

Titulli: KOMBETARIA SHQIPETARE DHE BARIC Fri Apr 20, 2007 11:51 am

Shqipëria ngjitet në klasifikimin e përgjithshëm

Afrohet 11 shkallë drejt kreut skuadra përfaqësuese

Përfaqësuesja shqiptare ka ngjitur 11 shkallë më lart në renditjen e FIFA-s për muajin prill, duke bërë kështu një hap galopant, që për herë të fundit ka ndodhur në muajin shtator të vitit 2006, kur renditeshim në vendin e 75-të. Tani, Shqipëria renditet në vendin e 77-të, me 422 pikë, ndërkohë që në muajin mars renditej e 88-ta në botë. Ky është pozicioni më i mirë i kombëtares, që nga koha kur marrë drejtimin e skuadrës trajneri Oto Bariç. Në vendin e parë ndodhet Italia, ndërsa nga skuadrat e grupit tonë kryeson Holanda, që pozicionohet e gjashta, më pas Rumania në vendin e 14-të, Bullgaria e 38-ta, Bjellorusia e 63-ta dhe Luksemburgu në vendin e 177-të. Pra, edhe pse është ngjitur disa shkallë, Shqipëria lë pas vetëm Luksemburgun në renditje, por mbi përfaqësuesen tonë, në vendin e 76-të, ndodhet Sllovenia, që ka humbur katër vende nga renditja e muajit të kaluar.
_________________

Titulli: Re: KOMBETARIA SHQIPETARE DHE BARIC Fri Apr 20, 2007 12:19 pm

Zyrtare: Angli B - Shqiperi, me 25 maj

Kombetarja Shqiptare e Futbollit si rralle here do te zhvilloje nje miqesore luksi , ku perballe do te kete perfaqsuesen Angleze te futbollit.

Pas kontaktesh te vazhdueshme ndermjet FSHF-se dhe Federates Angleze sot eshte arritur marrveshja qe perfaqesuesja e Shqiperise te zhvilloje nje takim miqesor me perfaqesuesen ishullore ne 25 maj 2007 ne Angli.

Ka qene vete Presidenti i The FA Geoff Thompson i cili me ane te faksit ka njoftuar Presidentin e FSHF-se , Armand Duka per zhvillimin e ketij takimi miqesor.

Ne kete leter behet e ditur se perfaqesuesja e Anglise do te luaj me skuadren kombetare "B" si pasoje e impenjimeve te lojtareve me klubet respektive ku luajne.

Presidenti Armand Duka ne emer te Federates Shqiptare te Futbollit ka falenderuar Presidentin e Federates Angleze te Futbollit per zhvillimin e ndeshjes miqesore duke pranuar me kenaqesi ftesen.

Ne ditet ne vijim do te behet i ditur edhe stadiumi se ku do te zhvillohet ndeshja miqesore Angli-Shqiperi.
_________________

Titulli: Re: KOMBETARIA SHQIPETARE DHE BARIC Fri Apr 20, 2007 12:28 pm

Zyrtare: Shqipëri - Luksemburg në “Qemal Stafa”

Më në fund pas pothuajse një viti Kombëtarja shqiptare e futbollit rikthehet Stadiumit Kombëtar "Qemal Stafa".

Pas tratativave të gjata dhe shpesh herë të kthyera deri në konflikt të dy palët: Federata Shqiptare e Futbollit dhe drejtuesit e stadiumit nënshkruan kontratën për takimin e qershorit që kuqezinjtë do të zhvillojnë kundër Luksemburgut. Bëhet fjale për një shume prej 500 mijë lekësh të reja sa një ndeshje e Superliges, një shumë simbolike për të mbuluar shpenzimet e stadiumit

Kombëtarja shqiptare e futbollit kishte që nga shtatori i vitit të kaluar që nuk luante në kryeqytet atëherë kur Rumania fitonte në “Qemal Stafa” me rezultatin 2 me 0.

Pas mosmarëveshjeve mes palëve, drejtoria e stadiumit kërkonte që të ardhurat e biletave të ndaheshin 50% me 50% ndërsa fedarata 70% me 30% në favor te saj, këta të fundit degdisën për dy ndeshje me rradhë kuqezinjtë drejt Shkodrës me Maqedoninë dhe Slloveninë, ndërkohë që kishin kërcenuar se ndeshjen e radhës do ta zhvillonin në “Ruzhdi Bizhuta” të Elbasanit.

Tratativat filluan edhe njehere me zbutjen e të dy paleve kjo dhe pas zërave për një ndërhyrje të teknikut Bariç në favor të stadiumit të kryeqytetit, që në fakt ka kushte shumë herë më të mira se dy të tjerët.

Sipas drejtorit të stadiumit “Qemal Stafa”, Perikli Dhakes, kushti i vetëm i tij ishte ulja e çmimit të biletave për ndeshjen me Luksemburgun ndërkohë që i është përgjigjur negativisht nënshkrimit të kontratës per tri ndeshjet e tjera të radhës, duke lënë opsioninin e marrëveshjes për çdo ndeshje.
_________________

Titulli: Re: KOMBETARIA SHQIPETARE DHE BARIC Sat Apr 21, 2007 12:44 pm

Misioni i Oto Bariç në krye të Shqipërisë duket se do të mbarojë në muajin dhjetor. Trajneri kroat që drejton përfaqësuesen kuqezi nuk ka ndërmend të rinovojë kontratën me Federatën Shqiptare të Futbollit edhe pse ende nuk e ka thënë shprehimisht për mediat një gjë të tillë. Lajmi pohohet nga burime të ngushta pranë teknikut kuqezi, sipas të cilave, 74 vjeçari për arsye të ndryshme e konsideron të mbaruar punën e tij me skadimin e kontratës aktuale. Në fakt, shkaqet nuk kanë të bëjnë me ndonjë vështirësi në punë apo marëdhënie të këqija me drejtuesit e FSHF-së, por janë të tjera, duke nisur që nga mosha, sëmundja e re që i është shfaqur e deri tek arritja e objektivave, që janë rinovimi i ekipit kombëtar dhe ngjitja e Shqipërisë në vazon për shortin e Botërorit 2010. Nga burime pranë Bariç mësohet se në rast arritje të tyre ai ka ndërmend t'i thotë stop karrierës në rolin e teknikut, vetëm në rast se një insistim i fortë nga ana e krerëve të Federatës do ta bindë që të qëndrojë edhe për një edicion tjetër. Deri tani, në Federatë duken të kënaqur nga puna e tij, apo më saktë nuk ka pasur ndonjë kundërshtim të hapur, pavarësisht karakterit polemizues që shfaq shpesh trajneri kroat. Vetë Duka e ka thënë disa herë se Bariç e ka habitur me energjinë dhe pasionin me të cilin punon, kështu që Federata nuk duket të jetë pengesë për rinovimin e kontratës me 74 vjeçarin. Gjithsesi në kokën e Oto "Maksimal", vendimi duket se është marrë përderisa nga njerëzit e ngushtë të tij pohohet se ai s'ka ndërmend të rinovojë.
Lamtumira
Ndoshta është shpejt për një çështje të tillë, por Oto Bariç duket thuajse e sigurtë se në muajin dhjetor, me skadimin e kontratës, do t'i thotë lamtumirë drejtimit të Shqipërisë. Burime pranë tij thonë se kroati e ka neglizhuar shpesh përgjigjen e kësaj pyetjeje, kjo edhe sepse është shpejt për të folur, megjithatë nga bisedat me stafin e tij, ai ka lënë të kuptohet se në fund të 2007-ës do të largohet. Misioni i tij kur mori në dorë timonin e kombëtares shqiptare ishte rinovimi i skuadrës dhe ngjitja një vazo më lart e Shqipërisë për shortin e Botërorit "Afrikë e Jugut 2010", një mision që duket i arritshëm duke parë se në muajin qershor do të luhen dy ndeshje radhazi kundër Luksemburgut, një ekip që ndodhet në vendet më të ulta të klasifikimit të FIFA-s. Në rast se këto dy objektiva arrihen, do të jetë vetëm insistimi i FSHF-së që mund t'i mbushë mendjen teknikut, por nga burime pranë tij thuhet se gjasat që kroati të vazhdojë punën me Shqipërinë, janë shumë të vogla.
_________________

Titulli: Re: KOMBETARIA SHQIPETARE DHE BARIC Sat May 26, 2007 1:31 pm

Shqipëria humbet 3-1 me Angline, Berisha mahnit menaxheret

- Shqipëria (thuajse B) pësoi një humbje 3-1, por dinjitoz ën “Turf Moor” të Bernlit dhe të pestën me Anglinë në po kaq ballafaqime (katër zyrtare), por Besart Berisha u bë lojtari i dytë kuqezi që shënon kundër “Tri luanëve”, pas Altin Rrakllit, po në një humbje 3-1 (në “Qemal Stafa, më 28 mars 2001).

Besart Berisha mund të konsiderohet heroi shqiptar i pjesës së parë të humbur 2-1 me Anglinë B. Sulmuesi i Hamburgut goditi shtyllën horizontale në minutën e 21 dhe realizoi golin e vetëm të përfaqësueses sonë në të 44’ (asist i Alban Bushit), duke shkurtuar diferencën e dy golave të skuadrës së Meklarenit me Alan Smith (Manchester United) në të 34 (asisit i Gareth Barry, Aston Villa) dhe Stjuart Douning (Middlesbrough) që shfrytëzoi në maksimum një veprim të gabuar të portierit tonë Arjan Beqaj, i cili pretendoi për faull.

Stjuart Douning shënoi dhe golin e tretë për Anglinë falë asistit të Mjakëll Oeun (kapiteni i Anglisë). Pjesa e parë ishte thuajse e barabartë, madje përpara golit të parë të anglezëve në “Turf Moor”, Alban Bushi humbi një mundësi të madhe goli, kur nuk e shfrytrëzoi si duhet pasin e artë të Devis Mukaj. Në minutën e 28 Berisha gjuajti në vijën e 16-shes mbi shtyllë, teksa në të 30’ Besarti bëri një nga veprimet më të bukura kur dribloi me levizje të zgjura dy futbollistë njëkohësisht.

Në pjesën e dytë trajneri Oto Bariç kreu gjashtë zëvendësime: Murati në vend të Mukaj (46’), Vrapi në vend të Duros (65’), Sinani në vend të Bushit (71’), Hyka për Skelën (75’), Hidi në vend të portierit Beqaj (78’) dhe Ahmataj në vend të Haxhit (kapiteni i Shqipërisë në këtë ndeshje). Gjithsesi nga takimi miqësor me Anglinë (B) në “Turf Moor”, trajneri Oto Bariç, edhe pse pati në dispozicion një formacion me shumë mungesa (të detyruara) titullarësh, të paktën mund të thotë se fitoi dy mbrojtës: Kristi Vangjelin (Aris Selanik) dhe Blerim Rrustemaj (Borrusia Mënshegladbah II).

Një një sondazh të sitit Sky Sports përpara ndeshjes 79% besonin në fitoren për Aglinë, 14% besonin te fitorja e Shqipërisë dhe vetmë 4% kishin vendosur barazim.

Shqipëria është përballur katër herë me Anglinë në ndeshjet zyrtare dhe në gjitha takimet ka humbur. Në të katër takimet zyrtare, dy të vlefshme për eliminatoret e Botërorit 1990 dhe dy për atë 2002. Sot ekipi kombëtar kthehet në atdhe për të nisur përgaritjet për ndeshjen zyrtare kundër Luksemburgut.

Skeda e ndeshjes

Anglia B: Carson, Neville (Jagielka 46), Dawson, King, Shorey (Lescott 73), Bentley (Defoe 72), Jenas, Barry (Taylor 64), Lennon (Downing 10), Owen, Smith (Dyer 64).

Lojtare te paperdorur: Green, Nugent.

Golat: Smith 34, Downing 37, 58.

Shqiperia: Beqaj (Hidi 7 Cool

, Vangeli, Dede, Rrustemi, Haxhi (Ahmataj 79), Bulku, Skela (Hyka 75), Duro (Vrapi 65), Berisha, Muka (Murati 46), Bushi (Sinani 72).

Lojtare te paperdorur: Xhafa.

Golat: Berisha 44.

Shikues: 22,500.

Gjyqtar: Andrea De Marco (Italy).

Statistikat

Anglia B Statistika Shqiperia

3 -Gola- 1

2 -Pjesa e pare- 1

7 -Gjuajtje ne porte- 4

2 -Gjuajtje jashte porte- 4

0 -Gjuajtje te pritura- 2

10 -Kornet- 1

16 -Faulle -9

7 -Pozicione jashte loje- 0

0 -Karton te verdhe-0

0 -Kartona te kuq- 0

85.4 -Pasa te suksesshem- 66.9

62.2 -Zoterimi i topit - 37.8

59.3 -Zoterimi i fushes- 40.7

ja dhe vidoe e ndeshjes
http://www.dailymotion.com/video/x22ule_england-b-v-albania-250507-ssn-matc
_________________

Titulli: Re: KOMBETARIA SHQIPETARE DHE BARIC Wed Jun 06, 2007 3:19 pm

Bariç kërkon historinë: Në fushë me tre sulmues

Oto Bariç do të kërkojë sot në mbrëmje historinë, në ndeshjen që kombëtarja shqiptare do të luajë në fushën e Luksemburgut. Në rast të një triumfi, ai do të jetë i treti për përfaqësuesen kuqezi jashtë fushe, teksa dy fitoret e mëparshme janë arritur vetëm ndaj Moldavisë dhe Kazakistanit. "Skuadra është shumë e përqendruar për të fituar, të gjithë duam që të marrim fitoren e parë jashtë dhe besoj se do t'ia arrijmë kësaj", ka deklaruar dje në Luksemburg trajneri i kombëtares kuqezi. Bariç ka bërë analizë paradite, duke shikuar kasetat e takimit të së shtunës si edhe ato të ndeshjeve që Luksemburgu ka luajtur në shtëpi. Ekipi më pas ka bërë disa orë pushim dhe në mbrëmje është stërvitur në stadiumin 8 mijë vendësh ku do të luhet ndeshja. Ajo që ka rënë në sy në ditën e djeshme, ka qenë interesimi i pakët i gazetarëve të Luksemburgut për këtë takim edhe pse ndaj Shqipërisë kjo skuadër ka regjistruar një barazim historik 5 vjet më parë. Madje, në dyshim ka qenë edhe konferenca për shtyp para ndeshjes, duke qenë se askush nuk e kishte kërkuar këtë.
Shqipëria
Në rast se do të arrijë një tjetër fitore pa pësuar gol, ekipi shqiptar vendos një tjetër rekord, atë të katër takimeve zyrtare rresht pa pësuar asgjë në portë. Shifra që në fakt kombëtarja kuqezi nuk i ka regjistruar asnjëherë, teksa Oto Bariç ka premtuar t'i ndryshojë sot. Dhe nuk është habi që kroati i është rikthyer skemës së tij me 4 mbrojtës, ndërkohë që ka ndryshuar jo pak në mesfushë e sipër. Kështu, nuk do të kemi më 5 mesfushorë, por vetëm 3, ndërkohë që në fushë do të jenë edhe tre sulmues. Bariç e ka zgjidhur mjaft mirë dilemën se kë të zgjidhte mes Kapllanit e Bogdanit, teksa do t'i hedhë të dy në fushë, së bashku me Alban Bushin. Një skemë e rrezikshme, por që tregon guximin e trajnerit kroat dhe dëshirën e tij për të marrë tre pikët sot në mbrëmje. Ndërkohë, një lëvizje që ka rënë jo pak në sy është ajo e mungesës së Klodian Duros si edhe Besart Berishës, gjë që i dedikohet në një masë të madhe skemës me të cilën do të zbresë Shqipëria sot në fushë. Në mbrojtje do të jenë Dede, Curri, Dallku e Haxhi, ndërkohë që në mesfushë do të jenë vetëm Skela, Muka e Cana. Një rreshtim mjaft i guximshëm i teknikut kuqezi
_________________

Titulli: Re: KOMBETARIA SHQIPETARE DHE BARIC Fri Jun 08, 2007 3:59 pm

Shqipëria fiton dhe vendos tre rekorde ekipore
Shqipëria arriti fitoren e dytë rresht me Luksemburgun (3-0) pas asaj katër ditë më parë në Tiranë (2-0) dhe dhe të tretën historike të saj në ndeshjet në transfertë. Shqipëria kishte fituar më parë në Kishiniev me Moldavinë (2-3) më 7 qershor 1995 kur për formacionin e Neptun Bajkos (shënuan Kushta, Bellaj dhe R.Vata) dhe në Alma Ata me Kazakistanin (0-1: Bushi) nën drejtimin e Hans Peter Brigelit, më 13 tetor 2004.

Një mbrëmje tjetër rekordesh për Kombëtaren e Bariçit me katër rezultate pozitive rresht në shtatë takimet e fushatës kualifikuese Euro 2008: 2 fitore dhe 2 barazime, si dhe katër ndeshje pa pësuar gol, plot 360 minuta lojë, ku pa dyshim merita nuk është vetëm e portierit me përvojë Arjan Beqaj, por tërë ekipit shqiptar.

Gjithashtu edhe golaverazhi tashmë sheh nga kahu pozitiv +2 (8-6). Ajo që e bën edhe më madhështore fitoren e Shqipërisë është fakti se në Luksemburgun është fakti se Holanda fitoi me rezultatin 1-0 në këtë vend, madje me gol në minutën e 83.

Takimi në “Josy Barthel” u ndoq nga një numri i madh shqiptarësh ku ngjyrat e kuqe janë përmjerrë me ato vendase pasi dhe vendasit luajtën uniformë të kuqe. Shqipëria luajti në këtë takim me të bardha.

PJESA E PARË: - Luksemburgu sulmoi menjëherë dhe fitoi goditjen e parë nga këndi qysh në minutën e parë të takimit. Beqaj neutralizoi me daljen e tij. Ishte radha e portierit vendas Joubert të shpëtojë portën e Luksemburgut. Në minutën e 3-te, Mukaj ekzekutoi një goditje të lirë duke rrezikuar portën mike. Në minutën e 4-t Curri ekzekutoi goditjen e parë nga këndi për Shqipërinë. Bushi gjuajti një minutë më pas, por jashtë kuadratit. Minutat të mira për Shqipërinë, kur dhe Kapllani dhe Bogdani bëjnë përpjekje për të shënuar golin e parë, por portieri Joubert shpëton portën e tij. Në të 8’ Skela ekzekuton një goditje të lirë, pas faullit të Kinziger. Minuta e 11 ofroi Haxhin të godasë portën e Joubert me anë të një goditje të lirë. Skela shkaktoi nje faull dhe gjyqtari lituanez e ndëshkoi me karton të verdhë. Fantazisti i Energi Kotbus do të mungojë në ndeshjen e ardhshme me Holandën. Shqipëria bën vazhdimisht përpjekje drejt portës së Luksemburgut, por në dy raste Kapllani nuk arriti të vazhdojë aksionet. Skela kaloi në avantazh Shqipërinë në minutën e 25 falë nuhatjes së tij. Goli i dytë i Ervinit në eliminatoret e Euro 2008 pas atij me Bjellorusinë në Minsk.

Në të 37’ Edmond Kapllani realizoi me kokë golin e dytë për Shqipërinë. Goli i dytë në dy ndeshje për sulmuesin shqiptar të Karlsruhes. Në minutën e 45-të, Skela ekzekutoi një goditje të lirë, por Bogdani edhe pse goditi me kokë nuk arriti të shënjestrojë portën, duke humbur kështu rastin për të shënuar golin e parë të tij në këtë edicion.

PJESA E DYTË: Nisi me një zëvendësim të Luksemburgut, kur në vend të Bigard hyri në lojë Lombardeli. Ashtu si pjesën e parë ishte sërish Luksemburgu që fitoi goditjen e parë nga kendi, të dytën kundrejt 3 të Shqipërisë. Në minutën 49 Haxhi ekzeutoi një goditje të lirë në gjysmëfushën tonë pas faullit të Remi.

Në minutën e 54 Bushi u ndëshkua me karton të verdhë. I dyti për Shqipërinë në këtë takim. Gjithsesi Bushi do të luajë me Holandën, pasi për të është kartoni i parë i verdhë i marrë.

Në minutën e 60, Klodian Duro hyri në vendin e Ervin Skëlës. Edhe trajneri Gi Hellers hodhi në fushë portugezin e natyralizuar si luksemburgas Da Mota në vend të Pajal

Remi i Luksemburgut ndëshkohet me karton te verdhë. 1-2 numri i kartonave, por golat janë 0-2. Në minutën e 67 u shfaq fuqishëm Lorik Cana, i cili goditi shtyllën horizontale. Trajneri Oto Bariç mendoi se tashmë është radha e Besart Berishën duke e futur kosovarin në vend të Alban Bushit, i cili dështoi edhe në këtë ndeshje për të shënuar golin e tij të 15-të. Në minutën e 72 Kapllani e çoi rezultatin në 3-0. Berisha i porsafutur veproi bukur në zonë nga e djathta e sulmit tonë lëshoi një asist për durrsakun i cili goditi fuqishëm në këndin e sipërm të portë së mbrojtur nga Joubert. I jashtëzakonshëm Kapllani. Tre gola në dy ndeshje. Nuk ndalet më. Sulmuesi i Teutës, Daniel Xhafaj futet në vend të Devi Mukaj. Sërish tre katër sulmues të pastër në ndeshjen që flet vetëm për Shqipërinë, kur dhe rasti i fundit i përket Besart Berishës. Një fitore e bukur përpara ballafaqimit tërheqës me Holandën, më 12 shtator në Tiranë.

SKEDA

Luksemburg-Shqipëri 0-3

Shënues: Skela 25’, Kapllani 37’, 72’

Luksemburgu: Joubert, Strasser, Bigard (46’ Lombardeli), Hoffman, Kinziger, Payal (64’ Da Mota), Peters, Bettmer, Remy, Mutsch, Collete (79’ Sagramola).

Stol: Oberweis, Ferrira, Heinz, Plein

Trajner: Guy Hellers

Shqipëria: Beqaj, Dede, Haxhi, Dallku, Curri, Cana, Mukaj (77 Xhafaj , Skela (60’ K.Duro), Bogdani, Kapllani, Bushi (67’ Berisha)

Stol: Hidi, Vangjeli, Bulku, Salihi,

Trajner: Oto Bariç.

Per me teper shikoni http://www.dailymotion.com/video/x26zvs_luxembourg-vs-albania
_________________