Tregtia, në Shqipëri më e vështirë se kudo

Tregtia, në Shqipëri më e vështirë se kudo

Banka Botërore e rendit vendin të fundit në rajon nga lehtësirat që ofron për tregtinë

tërheqës në rajon për të bërë tregti. Banka Botërore, në raportin e saj të fundit për vitin 2007, që analizon se sa i përshtatshëm është një vend për të bërë tregti, e klasifikon Shqipërinë në vendin e 139 në listën e 150 vendeve të marra në shqyrtim në mbarë botën. Ky raport bazohet në treguesin e logjistikës, që shqyrton një sërë faktorësh, të cilët kanë të bëjnë me lehtësirat që ofron një vend për
procedurat e zhdoganimit të mallrave, cilësinë dhe kostot e transportit të tyre, mundësitë për të transportuar mallrat
përmes rrugëve detare dhe atyre ajrore etj. Sipas raportit, Shqipëria paraqet probleme të theksuara në procedurat e
zhdoganimit të mallrave dhe shërbimit që u bëhet shoqërive tregtare në dogana, përfshi këtu edhe koston e lartë të këtij shërbimi. Por, raporti vëren se edhe transporti është problematik, për shkak të infrastrukturës së dobët, që rrit kostot për bizneset të cilat bëjnë tregti në Shqipëri.
Edhe treguesi që mat se sa e hapur është një ekonomi, e rendit sërish Shqipërinë të fundit në rajon. Hapja e ekonomisë Por, krahas indeksit të logjistikës, një tjetër tregues dëshmon qartë për problemet që ka tregtia në vendin tonë. Ekonomia jonë vazhdon të jetë e ngurtë përballë zhvillimeve të ekonomive të tjera, që kanë të bëjnë me marrëdhëniet tregtare, të cilat mbeten ende të vakëta. Në 5 vitet e fundit, treguesi i hapjes së ekonomisë
është rritur vetëm me 1.2 për qind. Në vitin 2002 ky tregues ishte 40.5 për qind dhe filloi të binte në tre vitet pasardhëse, edhe pse kjo është periudha kur filluan
të zbatoheshin marrëveshjet e tregtisë së lirë. Në vitin 2006, shkalla e hapjes së ekonomisë ishte vetëm 41.77 për qind, edhe pse ky ishte viti kur Shqipëria u bë pjesë e marrëveshjes së përbashkët të tregtisë së lirë me vendet e rajonit e njohur me emrin Cefta.
_________________