fetua(vendime fetare)

Titulli: fetua(vendime fetare) Wed Oct 01, 2008 5:17 pm

Të pirët e birrës pa alkool
nga shejh Muhamed Naserudin el-Albani, rahimehullah
Kaseta: el-Huda ue Nur

Pyetje: Tani ka dalë edhe birra pa alkool! A lejohet që muslimani të pijë birrë të tillë?

Përgjigje: Këtu kemi dy çështje:

1) Duhet të sigurohet mirë muslimani nëse birra ka apo s’ka alkool. Nëse s’ka, atëherë mund ta pijë.
2) S'është mirë që të quhet "birrë" kjo pije.

Titulli: Re: fetua(vendime fetare) Wed Oct 01, 2008 6:12 pm

Vendimi mbi masturbimin
nga shejh Albani
Revista "el-Esaleh" 3/59-60, 15 Shaban, 1413h.

Pyetje: Cili është vendimi mbi masturbimin?

Përgjigjj: Nuk dyshojmë në ndalimin e këtij vesi, për dy arsye:

E para: Fjala e All-llahut të lartësuar gjatë përshkrimit që u bën besimtarëve:"Veçse kanë shpëtuar besimtarët… Ata të cilët ruajnë organet gjenitale e tyre nga amoraliteti, përveçse me bashkëshortet e tyre ose (robëreshat) që ua kap dora e tyre e djathtë. Pasi në këto raste ata nuk ngarkohen me faj. Por kush kërkon përtej kësaj, atëherë të tillët janë që i kalojnë caqet".

Imam Shafiu ka argumentuar me këtë ajet për ndalimin e masturbimit, kështu që në këtë ajet, All-llahu për besimtarët e vërtetë ka bërë dy rrugë që ata t’i zbrazin epshet e veta: ose duke u martuar me të lirat, ose duke u kënaqur me robëreshat... dhe pastaj ka thënë:"Por kush kërkon përtej kësaj, atëherë të tillët janë që i kalojnë caqet". Që do të thotë se kush kërkon rrugë tjetër për t’i kënaqur epshet e veta (seksuale), përveç këtyre dy rrugëve (legjitime): martesës dhe asaj që posedojnë, atëherë ai është kalues i kufijve dhe zullumqar.

E dyta: Është vërtetuar shkencërisht se kush e kryen atë, do të ketë pasoja të dëmshme shëndetësore dhe se ky ves shkakton sëmundje, posaçërisht për ata të cilët e kryejnë atë vazhdimisht, ditë e natë. Është transmetuar nga Pejgamberi, sal-lAll-llahu alejhi ve sel-lem, të ketë thënë:"Nuk ka dëm e as të dëmtuar", që do të thotë se nuk i lejohet muslimanit të bëjë diçka që i bën dëm vetes ose të tjerëve.

Këtu patjetër duhet cekur edhe diçka tjetër, e ajo është se ata të cilët e kryejnë këtë ves, atyre u përshtatet (bie mbi ta kërcënimi) Fjala e All-llahut të madhëruar:"A po e zëvendësoni të poshtmen me atë që është më mirë". Dhe, veçse është transmetuar nga Pejgamberi, sal-lAll-llahu alejhi ve sel-lem - gjë që e forcon ndalimin e këtij adeti - fjala e tij:"O ju të rinj… çdonjëri prej juve që ka mundësi të martohet, le të martohet, ngase ajo është më e mirë për uljen e shikimit dhe më mbrojtëse për organin (seksual). E kush nuk ka mundësi, atëherë le të agjërojë, ngase agjërimi është mbrojtje".

Titulli: Re: fetua(vendime fetare) Wed Oct 01, 2008 6:13 pm

Kush janë Selefitë
Përgjigjet shejh Salih ibn Uthejmin

Pyetje: Po dëgjoj në lidhje me Selefitë. Kush janë Selefitë, o shejh i nderuar?

Përgjigje: Selef do të thotë paraardhësit. Kushdo që vjen para një personi, atëherë ai është Selef për atë person. Por kur termi Selefi aplikohet, atëherë ajo që mendohet me këtë janë tre gjeneratat e para të ndershme të Shoqëruesve [e pejgamberit], pastaj ata që i ndoqën ata, pastaj ata që i ndoqën ata sipas radhës. Ata janë Selefij Salih [Paraardhësit e Devotshëm]. Dhe, kushdo që vjen pas tyre dhe ndjek metodologjinë [menhexhin] e tyre, atëherë ai është sikur ata në rrugën e Selefit, edhe nëse vjen pas tyre në kohët e vona. Ngaqë, termi es-Selefije i referohet metodologjisë [menhexhit] që ka qenë ndjekur nga paraardhësit e devotshëm, Allahu qoftë i kënaqur me ta. Siç ka thënë pejgamberi, paqja qoftë mbi të:"…Ata që janë në atë çka jam unë dhe shoqëruesit e mi". Dhe me këtë kusht, termi Selefije hyn në këtë kontekst. Pra, kushdo që është në metodologjinë e shoqëruesve [të pejgamberit], dhe atyre që i ndoqën ata, dhe atyre që i ndoqën ata sipas radhës në mirësi, atëherë ai është Selefi, edhe nëse ai jeton në ditët e sotme, që është shekulli i katërmbëdhjetë pas hixhres [migrimit].