10 ligje të çuditshme nëpër botë

Të jesh një qytetar ligjzbatues nuk është gjithmonë e lehtë, veçanërisht kur ndonjë ligj nuk ju përshtatet. Më poshtë kemi listuar 10 nga ligjet më të çuditshme në botë, madje mund të themi se disa prej tyre janë vërtet të pakuptimtë…

10. Në qytetin anglez të Liverpulit, shtëpia e grupit të famshëm muzikor “The Beatles”, femrat janë të ndaluara me ligj të dalin jashtë “topless”, nëse nuk janë duke shitur peshk ekzotik në treg.

Kështu, nëse jeni në Liverpul dhe për çfarëdolloj arsye doni të zhvisheni, drejtohuni në tregun e peshkut. Aroma mund të mos jetë e pëlqyeshme, por të paktën mund të zhvisheni duke qenë të mbrojtur nga ligji.

9. Në San Salvador, ngarja e makinës nën ndikimin e alkoolit dënohet me vdekje. Dënimi zbatohet menjëherë nga një skuadër policësh rrugorë të armatosur.

Pra, turistët që vizitojnë San Salvador këshillohen të përdorin taksi dhe vetëm taksi, për të shmangur ndonjë aksident fatal. Ngarja e makinës nën ndikimin e alkoolit është diçka e papërgjegjshme, por dënimi me vdekje është gjithashtu tepër i ashpër.

8. Në Indonezi, masturbimi është i ndaluar rreptësisht. Kushdo që e shkel këtë ligj, dhe kapet, rrezikon t’i pritet koka.

Të gjithë meshkujt beqarë që nisen drejt plazheve indonezianë duhet ta kenë parasysh këtë ligj, ndryshe pushimi mund t’i kthehet në dënim me vdekje.

7. Në Skoci, ligji detyron qytetarët të lejojnë këdo që i troket në derë, të përdorin banjën e shtëpisë.

Pra, kur të jeni në Skoci, mos kërkoni për banja publike, vetëm trokisni në derën e parë që gjeni dhe dyert do t’i keni të hapura. Ky ligj mund të jetë i çuditshëm, por të paktën rrugët e qytetit janë të pastra.

6. Në Bahrejn, ligji e ndalon mjekun gjinekolog të shohë drejtpërdrejt në organet e pacientit. Ai duhet të përdorë një pasqyrë për të bërë detyrën e tij.

Nëse ndodheni në Bahrejn me pushime dhe keni nevojë për konsultë gjinekologjike, më mirë prisni sa të ktheheni në vendin tuaj.

5. Në shtetin e Alabamas, njerëzit nuk mund ta ngasin makinën me sy të mbuluar.

Ky është një nga ligjet që ngrenë pyetje si “A ka ligj më të pakuptimtë se ky?” dhe “Çfarë ngjarje ka shkaktuar vendosjen e këtij ligji?”. Kush mund të jetë aq i çmendur sa të ngasë makinën me sy të mbuluar?

4. Në Londër, njerëzit nuk lejohen të marrin taksi nëse janë të infektuar nga murtaja.

Ky ligj, ka njëfarë shpjegimi. Londra vuajti së tepërmi gjatë kohës së “Vdekjes së Zezë” dhe ligjvënësit menduan t’u paraprijnë epidemive të mundshme në të ardhmen, duke vendosur këtë ligj.

3. Në të gjithë Mbretërinë e Bashkuar, femrat lejohen të lindin një bebe, në çdo vend publik, madje mund të përdorin edhe helmetën e një polici, nëse i hyn në punë.

Kjo do ishte një përvojë e paharruar, apo jo? Disa njerëz udhëtojnë drejt Anglisë, për të parë Londrën dhe për të bërë foto me rojat e palëvizshëm mbretërorë, por përdorimi i helmetës së një polici për të pritur beben gjatë lindjes…është diçka tepër e veçantë.

2. Në shtetin e Floridës, nëse një femër beqare del me parashutë nga një avion në ditën e shtunë, ajo rrezikon të hyjë në burg.

Femrat beqare që udhëtojnë drejt Floridës rekomandohen të qëndrojnë larg aeroplanëve dhe parashutave të shtunave. Hedhjet me parashutë janë dëfryese, por jo kur makina e policisë ju pret në tokë.

1. Në Kentaki njerëzit nuk mund të mbajnë armë të cilat kalojnë gjatësinë 1.82 metra.

Kështu, nëse udhëtoni në shtetin e Kentakit, kini kujdes që arma juaj të mos i kalojë 1.82 metra gjatësi, ndryshe mund të kapeni nga policia.

Leave a Comment

%d bloggers like this: